Futbollistët e Paris Saint-Germain janë mësuar me luksin e shfrenuar, ndaj parkingu i klubit në Paris ngjan më shumë me një ekspozitë të makinave më të shtrenjta në botë. Por mes makinave që kushtojnë qindra mijëra euro, spanjolli Fabian Ruiz u bë surpriza e madhe në rrjetet sociale.
Ndërsa shokët e skuadrës garojnë se kush do të sjellë makinën më luksoze, Ruiz zgjodhi modestinë dhe prakticitetin. Sipas të dhënave të La Vanguardia, diferenca mes makinave të lojtarëve të PSG-së është e jashtëzakonshme.
Lucas Hernandez lëviz me një Rolls-Royce Spectre të modifikuar nga Mansory, me vlerë rreth 700.000 euro, ndërsa Ousmane Dembele ka një Bentley Bentayga që kushton rreth 500.000 euro. Nuno Mendes ka zgjedhur një Mercedes G-Class Brabus me vlerë rreth 385.000 euro.
Në këtë panoramë luksi, Fabian Ruiz u shfaq me një Smart Fortwo Brabus, një makinë vetëm 2,7 metra të gjatë.
PSG boss Luis Enrique and his players arriving at training in their luxury vehicles… but everyone was talking about Fabián Ruiz’s choice of transport. 👀😂
Imagine being a World Cup winner and a Ballon d'Or contender and driving that. 🤯 pic.twitter.com/NAZKRoT6X5
— Football Tweet ⚽ (@Footballtweet) August 15, 2026
Versioni sportiv Brabus kushton rreth 40.000 euro, pra shumë herë më pak se Rolls-Royce dhe Bentley-t e shokëve të tij.
Zgjedhja e Ruiz shkaktoi reagime pozitive nga tifozët në mbarë botën, të cilët e vlerësuan faktin se kampioni i botës me Spanjën nuk ka nevojë të tregojë pasurinë e tij përmes makinave luksoze.
Ndërkohë, vëmendje mori edhe Bradley Barcola, i cili u pa me një Lamborghini Urus rreth 300.000 euro, duke përshëndetur tifozët nga makina teksa udhëtonte nëpër Paris.
