Ayao Komatsu, tani shef i Haas F1, ka kujtime të jashtëzakonshme nga puna me Fernando Alonson kur ishte inxhinier gomash në Renault në vitin 2006.

Ai e krahason Alonson me Jenson Button, me të cilin kishte punuar më parë, duke thënë: “I jepje Alonsos një gomë dhe i kërkoje të ruante ritmin për 15 xhiro, pastaj të shpërthente në të fundit dhe ai e bënte me saktësi të pabesueshme. Jenson nuk ishte në atë nivel”.

Komatsu thotë se Alonso kishte një ndjesi të jashtëzakonshme për gjendjen e gomave dhe mund të gjente ngjitje edhe kur pista ishte në kushte të vështira. Ai përmend garën në Kinë 2006 ku Alonso bëri ndërrim të parakohshëm gomash dhe ia doli, ndryshe nga shoku i ekipit Fisichella që humbi kohë.

Në një tjetër rast në Kanada, Alonso pa një aksident në ekranin gjigant dhe paralajmëroi ekipin për një Safety Car, ndërsa vetë po kryesonte garën.

“Kjo tregon sa shumë kishte nën kontroll edhe makinën, edhe garën”, përfundon Komatsu.