Mer shumë mundësi trajneri Erik Ten Hag dhe Manchester United, tashmë janë marrë vesh për ndërprerjen e bashkëpunimit.

Trajneri holandez ka dështuar të sjellë trofe në “Old Traford”, derisa ishte para një eliminimi katastrofë nga gjysmëfinalja e Kupës FA.

United ishte në epërsi prej 3:0 ndaj skuadrës nga kategoria e dytë Coventry, por në minutën e 90-të rezultati u barazua në 3-3, derisa arritën në fund fitore pas penalltive.

Prandaj, duket se Ten Hag do të shkarkohet në fund të sezonit nga pozita e tij si trajner i Manchester United.

Gazeta gjermane ‘Kicker’ ka njoftuar se Djajtë e Kuq tanimë kanë gjetur zëvendësuesin e holandezit.

Bashkëpronari i United, Jim Ratcliffe ka filluar bisedimet me trajnerin gjerman Thomas Tuchel, i cili do të largohet nga Bayerni në fund të sezonit.

Tuchel është i etur për t’u rikthyer në Angli pas aventurës pozitive te Chelsea dhe do të ketë për detyrë ta ngre gjigantin anglez Manchester United në nivelin ku ishte më parë.