Marc Marquez me Ducati fitoi Garën e Çmimit të Madh të Malajzisë në MotoGP. Një sukses që afron pilotin spanjoll me titullin kampion, titull që mund të vijë që garën e ardhshme në Katar.

Gara u dominua nga Marquez, që u shkëput gradualisht deri në 4 sekonda nga ndjekësi më i afërt, patrioti i tij Pedro Acosta, i dyti me KTM. Në podium u ngjit edhe spanjolli tjetër Alex Marquez me Ducati Gresini.

Në këtë garë mungoi spanjolli Jorge Martin me Aprilia, i dëmtuar dhe tashmë diferenca e tij me Marc Marquez është 44 pikë. Zhgënjen edhe piloti tjetër i Aprilia, italiani Marco Bezzecchi, që u rendit në vendin e gjashtë.