Drejtori sportiv i MotoGP, Carlos Ezpeleta, ka folur për planet e kampionatit pas blerjes nga Liberty Media, duke theksuar se synimi është rritja globale pa ndryshuar identitetin e MotoGP-së.
Sipas tij, MotoGP dëshiron të zgjerohet më shumë jashtë Evropës. Aktualisht, kampionati po fokusohet veçanërisht në SHBA, Mbretërinë e Bashkuar dhe Azinë Juglindore, ndërsa synohet që brenda disa viteve numri i garave në Evropë dhe jashtë saj të jetë afërsisht i barabartë.
Ezpeleta thotë se Liberty Media ka rritur ndjeshëm ambiciet e MotoGP-së dhe se tani vendimet merren me një perspektivë më afatgjatë. Megjithatë, prioritetet kryesore mbeten siguria, spektakli në pistë dhe konkurrenca.
2027 sjell një epokë të re
Rregulloret e reja të vitit 2027, së bashku me ndryshimin e furnizuesit të gomave, pritet të sjellin ndryshime të mëdha. Motorët do të jenë ndryshe dhe pilotët do të duhet të përshtaten me një mënyrë të re drejtimi.
Një nga projektet më ambicioze është gara e Adelaide në Australi, e cila do të zhvillohet në pjesën e dytë të vitit 2027. Sipas Ezpeletës, ky projekt mund të hapë rrugën për evente të ngjashme në qytete të tjera të botës.
Në fund, ai thekson se MotoGP nuk dëshiron të kopjojë Formula 1. Synimi është të ruhet karakteri i veçantë i kampionatit, ndërsa sporti të bëhet më global dhe të tërheqë një audiencë edhe më të madhe.
