Presidenti i FIA-s, Mohammed Ben Sulayem, ka bërë të ditur se fituesi i ri i të drejtave komerciale të World Rally Championship do të shpallet brenda tri javëve të ardhshme.

Procesi për gjetjen e një promotori të ri ka hyrë në fazën përfundimtare, ndërsa kompania franceze Cosmobilis konsiderohet favoritja për të marrë drejtimin e të drejtave komerciale të kampionatit.

Ben Sulayem tha se vendimi nuk mund të shtyhet më dhe premtoi se lajmi do të bëhet publik brenda dy deri në tre javëve. Ai shtoi se të ardhurat nga marrëveshja do të riinvestohen në WRC dhe se rregulloret e reja për vitin 2027 do të ulin ndjeshëm kostot për ekipet, duke e bërë kampionatin më tërheqës për prodhues të rinj.

Aktualisht, Toyota është marka e vetme e konfirmuar për sezonin e ardhshëm.