Prodhuesit kinezë të makinave po zgjerohen në Evropë, duke u mbështetur në çmimet konkurruese dhe teknologjinë e përparuar për të hyrë në një treg tradicionalisht të dominuar nga markat evropiane dhe amerikane, mes një zhvendosjeje globale drejt automjeteve elektrike.

Ky zgjerim ka nxitur tensione tregtare midis Brukselit dhe Pekinit, duke përfshirë një debat mbi tarifat e BE-së për automjetet elektrike të prodhuara në Kinë, të vendosura për të mbrojtur prodhuesit evropianë, shkruan Reuters, transmeton AutoPortali.

BYD o ndërton një fabrikë makinash elektrike në Hungarinë jugore dhe ka njoftuar një fabrikë të re për autobusë dhe kamionë elektrikë në veri të vendit.

Prodhuesi i makinave ka nisur shitjet e makinave në pjesën më të madhe të Evropës.

Në prill, BYD shiti për herë të parë më shumë automjete elektrike në Evropë sesa Tesla me 7,231 automjete elektrike me bateri (BEV) të shitura gjatë muajit, sipas një raporti nga JATO Dynamics.