Formula 1 ka arritur në nivele të larta si kurrë më parë falë kompanisë Liberty Media. Kjo kompani tani është në prag të blerjes edhe të sportit të MotoGP. Sipas mediave, marrëveshja është finalizuar disa javë më parë dhe do të bëhet publike në mes të prillit, në garën e tretë sezonale që zhvillohet në Austin (Amerikë).

Financial Times konfirmoi këtë operacion, që kap një vlerë rreth katër miliardë euro. Bisedimet mes palëve kanë filluar më shumë se një vit më parë. Oferta e Liberty Media ishte më e mirë se ajo e Katar Sports Investments, fondit shtetëror të investimeve që zotëron klubin e futbollit PSG si dhe e asaj të William Morris Endeavor (zotëron edhe UFC).

Kishte kohë që qarkullonin zëra se Dorna (kompania e MotoGP dhe pronari aktual i saj është Bridgepoint Capital), do të dilte në shitje. Kompania ka marrë një borxh të konsiderueshëm në formën e kredive për të paguar dividentë për pronarët e monedhës, një taktikë standarde tregtare përpara një shitje të mundshme.

Dorna zotëron 39 për qind të fondit të investimeve Bridgepoint, me fondin publik kanadez të pensioneve CPPIB që zotëron një 31 për qind të mëtejshëm dhe pronarët e familjes Ezpeleta kanë 20 për qind

të biznesit. Pengesa e vetme është miratimit i marrëveshjes nga komisioneri i monopoleve të BE-së. Liberty Media po krijon një lloj monopoli mbi garat e motorsportit botëror, me misionin për të përsëritur suksesin e F1 edhe në motoçiklizëm.