Nëse po përgatiteni të ngisni makinën, mos konsumoni alkool dhe drogë. Nuk është vetëm çështje financiare dhe gjobash, por edhe shëndetësore, rreziqeve ndaj të cilave ekspozoni veten dhe të tjerët në trafik.

Shmangni ato në jetë, edhe nëse nuk planifikoni të ngisni makinën. Megjithatë, në trafik ato nuk janë të vështira për t’u zbuluar dhe qëndrojnë në trup për një kohë relativisht të gjatë. Sipas të dhënave të disponueshme nga Qendrat Amerikane për Varësinë, alkooli mbetet në gjak deri në gjashtë orë, në frymëmarrje për 12 deri në 24 orë, në urinë për 12 deri në 24 orë. Drogat zgjasin në pështymë për 12 deri në 24 orë dhe në flokë për rreth 90 ditë, shkruan Hak, transmeton AutoPortali.

Pas përdorimit të drogës, qoftë e thithur me hundë, e tymosur apo e gëlltitur, trupi fillon t’i zbërthejë ato. Gjatë këtij procesi, formohen metabolite ose nënprodukte që mund të qëndrojnë në trup shumë kohë pasi efektet fillestare të kenë kaluar. Janë këto mbetje që do të zbulohen në një test pasues të drogës. Drogat zbulohen në testet e pështymës, kështu që kanabisi, për shembull, mund të identifikohet deri në katër ditë pas konsumimit. Kokaina në përgjithësi zhduket pas 24 orësh, por tek përdoruesit e rregullt mund të duhen disa ditë. Amfetaminat dhe metamfetaminat mund të gjenden në pështymë deri në tre ditë pas përdorimit.

Një analizë gjaku mund të zbulojë praninë e drogës shumë më gjatë pas konsumimit – kanabis për dy javë, amfetamina për 12 orë, kokainë për 48 orë, metamfetamina për 37 orë dhe opiate për 12 orë.