Sergio Ramos vijon të mbetet pa skuadër pas përfundimit të kontratës së tij te Sevilla, aty ku ka nisur rrugëtimin e tij në futboll.

Qendërmbrojtësi synon të nisë një kapitull të ri, por deri tani ka qenë i pafat për të gjetur një klub. Sipas asaj që shkruan “El Chiringuito”, Ramos nuk ka asnjë opsion në Evropë, përtej dëshirës së tij.

Opsionet që ka deri tani janë në Amerikë dhe Brazil. Janë katër klube që e kërkojnë me ngulm: Vasco de Gama, Corinthias, Botafogo e Flamengo.

38-vjeçari, i cili ka fituar të gjitha trofetë e mundshme në futboll, përfshirë 4 Champions League, ka refuzuar kategorikisht transferimin në Arabinë Saudite dhe Meksikë.