Skuadrat shqiptare, Drita dhe Shkëndija, kanë arritur suksesin e rëndësishëm duke siguruar kualifikimin në fazën e grupeve të Conference League, një arritje që u vlerësua lart nga tifozët dhe mediat sportive në rajon.

Sot, me fillim nga ora 13:00 në Monaco, do të zhvillohet shorti i fazës së grupeve të këtij kompeticioni, ku do të përcaktohen grupet dhe kundërshtarët e secilit ekip, transmeton AutoPortali.

Në këtë fazë do të marrin pjesë gjithsej 36 skuadra nga e gjithë Evropa, të ndara në 9 grupe me nga 4 ekipe secili.

Çdo ekip do të luajë nga 6 xhiro, me ndeshjet që pritet të fillojnë më 2 tetor dhe do të zhvillohen gjatë gjithë vjeshtës deri më 18 dhjetor.

Pas fazës së grupeve, skuadrat më të mira do të kalojnë në fazën e nokautit, ku do të luftojnë për të vazhduar aventurën evropiane dhe për të fituar trofeun prestigjioz të Ligës së Konferencës.

Kjo fazë e garës paraqet një mundësi të shkëlqyer për Dritën dhe Shkëndijën që të tregojnë veten në arenën ndërkombëtare dhe të sjellin sukses për futbollin shqiptar.