Shefi i Mercedes-it, Toto Wolff, komentoi fundjavën e vështirë për Kimi Antonellin, i cili u penalizua pas kontaktit me Charles Leclerc.

“Na vjen keq për Ferrarin, por duam që Kimi të provojë gjithmonë manovrat – kjo është mënyra si mësohet”, tha Wolff.

Ai theksoi se ky është një vit mësimi për pilotin 19-vjeçar dhe se gabimet janë pjesë e procesit:

“Ka talent dhe karakter, sigurisht do të përmirësohet”.

Wolff pranoi se performanca e Mercedes nuk ishte e mjaftueshme, ndërsa vlerësoi ambientin pozitiv në skuadër dhe qëndrimin e Kimit.