Që nga viti 2010, në shumicën dërmuese të rasteve, piloti që udhëheq renditjen në fillim të pushimit veror në Formula 1 e ka fituar titullin botëror në fund të sezonit. Përjashtimet janë të pakta dhe mund të numërohen me gishtat e një dore.

Sebastian Vettel arriti dy herë të përmbysë situatën, në vitin 2010, kur Mark Webber kryesonte para pushimit, dhe në 2012 kundër Alonsos me Ferrarin. Në vitin 2014, Nico Rosberg ishte në krye gjatë verës, por titulli shkoi për Lewis Hamilton. Në 2016 ndodhi e kundërta, Hamilton kryesonte në mes të sezonit, por Rosberg fitoi në fund.

Në vitin 2017, Vettel ishte në krye me Ferrarin, por Hamilton fitoi titullin. Viti 2021 u mbyll në mënyrë dramatike, Hamilton ishte lider para pushimit, por Verstappen doli kampion pas garës së famshme në Abu Dhabi.

Në sezonet e tjera, titulli ka shkuar tek ai që kryesonte në pushimin veror: Vettel në 2011 dhe 2013, Hamilton në 2015, 2018, 2019 dhe 2020, dhe Verstappen nga 2022 deri në 2024.

Tani, në vitin 2025, Oscar Piastri është në krye para pushimit veror, por diferenca ndaj shokut të skuadrës Lando Norris është shumë e vogël, duke lënë hapur një betejë të paparashikueshme për titull në 10 garat e mbetura të sezonit.