Legjendari Mike Tyson ka pasur një problem shëndetësor gjatë një fluturimi nga Miami në Los Angeles, konfirmuan zëdhënësit e tij.

Gjatë fluturimit, Tyson u sëmur, pati marrje mendsh për shkak të përkeqësimit të ulçeraes, duke shkaktuar shqetësim tek stafi dhe pasagjerët.

Në ulje, ekipi mjekësor i dha ndihmën e nevojshme ish-kampionit 57-vjeçar.

Përfaqësuesit mohuan pretendimet se një problem shëndetësor shkaktoi vonesën e fluturimit, duke shpjeguar se vonesa ishte për shkak të një problemi me kondicionimin e avionit.

Tyson tani po ndihet mirë dhe i është mirënjohës stafit mjekësor për reagimin e shpejtë, pas ndërhyrjes urgjente që është kryer.

Kujtojmë se më 20 korrik, boksieri legjendar duhet të përballet në ring me YouTuber-in e famshëm Jack Paul.