Më 2 maj 2025, Max Verstappen dhe Kelly Piquet u bënë prindër të vogëlushes Lily, e cila i bashkohet familjes së tyre, e cila tashmë përfshin Penelope, vajzën e Piquet me Daniil Kvyat në vitin 2019.

Verstappen nuk ka folur shpesh për vajzën e tij, por ajo që ka thënë për Lily së fundi është veçanërisht interesante për të kuptuar prioritetet e kampionit holandez, i cili ka ngritur vazhdimisht mundësinë e largimit nga sporti.

Verstappen u pyet për çfarë ishte më krenar, nëse ishte një titull botëror, një fitore e veçantë apo një kujtim specifik. Përgjigja e pilotit 28-vjeçar të Red Bull ishte: “Për çfarë jam më krenar? Vogëlushja në shtëpi; ajo është gjëja më e bukur dhe e rëndësishme”.

“Vajza jonë Lily është thesari im më i madh. Familja është gjëja më e rëndësishme për mua“, shtoi Verstappen, që bëri një paralele midis asaj që i ndodh atij me Lily dhe asaj që i ndodhi kur babai i tij Jos u largua nga shtëpia për të shkuar në gara.

“Këtë mëngjes, për shembull, kur u largova, vajza e vogël po qëndronte pranë ashensorit ndërsa unë po largohesha. Dhe pastaj dyert u mbyllën… Epo, nuk është një ndjenjë e këndshme. Ajo sapo ishte zgjuar, e kisha marrë nga shtrati dhe e kisha përqafuar për pak, dhe pastaj më duhej të largohesha“, shtoi holandezi.

“Këto nuk janë momente të këndshme. por është pjesë e lojës. Dhe më ndodhi mua së pari kur isha i vogël dhe babai im u largua. Po qaja dhe babai im gjithmonë e kishte të vështirë ta duronte atë skenë“, deklaroi Verstappen.