Ousmane Dembélé ishte shpallur zyrtarisht fitues i Topit të Artë 2025, duke u ngjitur në majën e futbollit botëror pas një sezoni të jashtëzakonshëm me fanellën e PSG-së.

Sulmuesi francez ishte një nga lojtarët më dominues të edicionit 2024/25, duke u shndërruar në lider absolut si në aspektin teknik, ashtu edhe në atë vendimmarrës.

Me paraqitje të nivelit të lartë në çdo kompeticion, Dembélé ishte figura qendrore e një sezoni që e vendosi përfundimisht mes më të mirëve në botë.

Ky edicion shënoi pjekurinë e plotë të 27-vjeçarit, i cili la pas vitet e paqëndrueshme dhe arriti vazhdimësi, efikasitet dhe ndikim të drejtpërdrejtë në momentet vendimtare.

Ai ishte shtylla kryesore e lojës sulmuese të PSG-së, veçanërisht në ndeshjet eliminatore dhe përballjet e mëdha.

Dembélé mori përgjegjësi në fazat kyçe të sezonit, duke bërë diferencën në arenën evropiane dhe duke qenë vendimtar në sukseset më të rëndësishme të klubit parizien.

Pikërisht këto paraqitje bindën jurinë e Topit të Artë për ta shpallur fitues.

PSG arriti të fitojë të gjitha trofetë e mundshëm në sezonin 2024/25, ndërsa Dembélé u konsiderua pa diskutim motori kryesor i këtij suksesi historik.

Në 53 paraqitje gjatë sezonit, francezi regjistroi 35 gola dhe 15 asistime, statistika që e vendosën përpara rivalëve të tij, përfshirë edhe talentin e Barcelonës, Lamine Yamal./AutoPortali