Sulmuesi i Kosovës, Edon Zhegrova, e ka pranuar një fanellë dhuratë nga sulmuesi i Real Madridit, Kylian Mbappe. Këtë e bëri të ditur të hënën Zhegrova në rrjetet sociale.

“Faleminderit shoku im”, ka shkruar Zhegrova pas pranimit të fanellës nga Mbappe.

Zhegrova me skuadrën e Lilles e mposhti Real Madridin në Ligën e Kampionëve me rezultatin 1:0 javë më parë. Zhegrova në atë ndeshje ishte më i vlerësuari.

25-vjeçari Zhegrova te Lille luan së bashku me vëllanë e Mbappes, Ethan Mbappe.

Reprezentuesi i Kosovës këtë edicion në kampionatin francez është duke kaluar formë të mirë. Në 12 ndeshje në të gjitha garat, Zhegrova ka realizua gjashtë gola dhe ka bërë një asistim.