Me debutimin e Armando Brojës javën e kaluar, me fanellën e Evertonit, Shqipëria u bë kombi i 50-të i ndryshëm që përfaqësohet nga klubi i kaltër në Premier Ligë.

Kësisoj Broja ka hyrë në historinë e klubit të Evertonit si futbollisti i parë shqiptar që aktivizohet me këtë skuadër.

Kujtojmë që sulmuesi kuqezi debutoi me skuadrën angleze në duelin ndaj Wolves, ku “blutë” triumfuan pastër me rezultatin 4-0.

Tashmë shpresat janë të mëdha, që Broja të gjejë edhe golin e parë me fanellën e Evertonit, duke lënë pas momentin e vështirë pas dëmtimit që e mbajti gjatë jashtë fushave të blerta.