Klubi i futbollit “Vëllaznimi” ka arritur marrëveshje me trajnerin e mirënjohur Mirel Josa.

Lajmin e ka bërë të ditur vetë skuadra gjakovare.

“Me kënaqësi ju njoftojmë që KF Vëllaznimi ka arritur marrëveshje me trajnerin e mirënjohur Mirel Josa. Josa nga sot e ka filluar detyrën e shefit të shtabit teknik në klubin kuq e zi dhe përgatitjet për sezonin pranveror”, thuhet në njoftimin e Vëllaznimit.

Mirel Josa është emër i njohur në futbollin mbarëshqiptar, me një përvojë të jashtëzakonshme. Në karrierën e tij ai ka fituar pesë herë titullin e kampionit në Shqipëri, dy herë Kupën e Shqipërisë, dy herë Superkupën e Shqipërisë, dhe një herë Kupën e Kosovës

Ai ka trajnuar klube të mëdha si KF Tirana, FC Skënderbeu, KF Vllaznia dhe FC Prishtina.