Përfaqësuesja e Kosovës në futsall ka pësuar humbje nga Franca, me rezultat 9:4 në kualifikimet për EURO 2026.

Trekolorët triumfuan me pesë gola epërsi, teksa pjesa e parë përfundoi 6:3.

Kështu, francezët siguruan fitoren e katërt në katër përballjet e fundit, ndërkaq Kosova pësoi humbjen e dytë nga ta, pas asaj të premten e kaluar, 0:5.

Dardanët mbeten të tretët në Grupin 10 me tri pikë, tri më pak se Gjeorgjia në të dytin.