Manchester City e ka identifikuar mesfushorin e Real Madridit, Eduardo Camavinga si objektivin kryesor për afatin kalimtar të verës.

22-vjeçari francez po monitorohet në mënyrë aktive nga  City, i cili ka krijuar lidhje të forta me agjencinë e tij, CAA Stellar.

Agjencia së fundmi lehtësoi transferimin e Omar Marmoush te Manchester City dhe pritet të luajë një rol kyç në çdo marrëveshje të mundshme për Camavingan.

Megjithatë, Manchester City përballet me konkurrencë të ashpër për nënshkrimin e Camavingas, me disa klube të tjera të mëdha që shprehin gjithashtu interes për mesfushorin e talentuar.

Për më tepër, Camavinga ende nuk ka vendosur nëse dëshiron të largohet nga Real Madrid këtë verë, me kontratën e tij në “Santiago Bernabeu” deri në vitin 2029.

Sipas Fichajes, vlerësimi i klubit prej 70 milionë eurosh është pikënisja për çdo negociate.

Nëse një ofertë i plotëson pritjet e tyre, Real Madridi mund të jetë i hapur për ta shitur atë në mënyrë që të përforcojë fusha të tjera të skuadrës.