Ylli i Liverpoolit, Mohamed Salah është bashkuar në kryesimin e lojtarëve që kanë fituar çmimin ‘Lojtari i Muajit’ në Ligën Premier, pasi sot (e premte) e pranoi çmimin si më i miri i muajit shkurt.
Salah po kurorëzon një super-sezon në Ligën Premiere, ku përveçse janë afër të fitojnë titullin me Liverpoolin, ai ka shënuar 27 gola dhe 17 asistime.
Vetëm gjatë muajit shkurt, egjiptiani ishte i përfshirë në shënimin e dhjetë golave në kampionat, duke fituar kështu çmimin ‘Lojtari i Muajit’.
“Mohamed Salah është i pamëshirshëm. Mbreti i Egjiptit lojtari i muajit shkurt”. Thuhet në njoftimin e faqes zyrtare të Ligën Premiere.
Me këtë arritje, ylli egjiptian ka barazuar rekordin prej 7 çmimeve ‘Lojtari i Muajit’ në Ligën Premiere, rekord që mbahej nga Harry Kane dhe Sergio Aguero.
“Asnjë lojtar nuk ka fituar më shumë çmime Lojtari i Muajit se Mohamed Salah. Ai barazohet me Harry Kane dhe Sergio Aguero në shtatë”, thuhet në njoftim.
