Faza çerekfinale e Ligës së Kampinëve nis sonte me dy super ndeshje.

Arsenali – Real Madrid dhe Bayern Munich – Inter, janë dy sfidat e para të kësaj faze, që nisin nga ora 21:00.

Dueli në Londër do të ndiqet me vëmendje të veçantë pasi të dyja skuadrat kanë ngecur në luftën për titull në kampionatet e tyre vendase.

“Topçinjtë” nuk kanë pothuajse asnjë shans për titull, Real Madridi është në një situatë paksa më të favorshme dhe Liga e Kampionëve është “specialitet” i gjigantit spanjoll.

Arsenali luajti baras me Evertonin fundjavën e kaluar, ndërsa Reali u mund nga Valencia, kështu që kjo lojë është një mundësi për ta për të kompensuar ato dështime.

Ky do të jetë dueli i parë mes këtyre dy klubeve që nga viti 2006, kur klubi anglez kaloi fazën e 1/8-tës pas barazimit 0-0 në Londër dhe fitores 1-0 në Spanjë. Ky duel do të drejtohet nga gjyqtari më i mirë boshnjak Irfan Peljto.

Dueli tjetër i natës së sotme në çerekfinale na sjell një përplasje mes dy skuadrave që zënë pozitat kryesore në kampionatet e tyre përkatëse.

Lideri i Serie A, Interi dhe ai i Bundesligës, Bayerni do të ndeshen në një super-ndeshje.

Problem për gjermanët është lëndimi i Jamal Musialas dhe vlen të theksohet se bavarezët kanë mposhtur skuadrën e Milanos në dy ndeshjet e fundit, të dyja me rezultat 2-0 në fazën e grupeve të vitit 2022.