Piloti spanjoll Marc Marquez fitoi garën e Çmimit të Madh të Katarit në MotoGP, fitorja e tretë sezonale e tij.

Një sukses që thellon diferencën e pilotit të Ducatit me rivalët në renditje.

Garë e fituar me vështirësi nga spanjolli, që shumicën e kohës dueloi me patriotin e tij Maverick Vinales (i dyti me motorin KTM) dhe italianin Francesco Bagnaia (i treti me motorin tjetër Ducati).

Marquez rikthehet te suksesi pas gabimit dy javë më parë, kur u rrëzua. Një garë të mirë bëri Bagnaia, që e nisi atë nga vendi i 11-të, në fund dueloi edhe për fitoren, por u kënaq me podiumin.

Edhe një herë tjetër motori Ducati ishte më i miri, fitues në katër garat e zhvilluara deri më tani.

Spanjolli kampion në fuqi, Jorge Martin me Aprilia, që debutoi këtë garë pas operacionit, nuk e mbylli dot sfidën.