I riu i Barcelonës, Lamine Yamal, kryeson listën e lojtarëve më të vlefshëm në botë sipas raportit të fundit të Observatorit të Futbollit CIES.

Pas nënshkrimit të një kontrate të re me klubin katalunas deri në vitin 2031, sulmuesi 17-vjeçar vlerësohet me një shumë mbresëlënëse prej 402.3 milionë eurosh, transmeton AutoPortali.

Kjo vlerë pasqyron performancat e jashtëzakonshme të Yamalit në fushë, të cilat kanë tejkaluar pritshmëritë për një lojtar të moshës së tij.

Ky potencial rekord transferimi e ka vendosur atë si një nga figurat kryesore të futbollit botëror për dekadën e ardhshme.

Në vend të dytë në këtë renditje është Erling Haaland me një vlerë prej 239.6 milionë eurosh, ndërsa i treti është Jude Bellingham me 233.8 milionë euro.