Piloti i Aston Martin, Lance Stroll, do të rikthehet në garë këtë fundjavë në Çmimin e Madh të Kanadasë, pasi mungoi në garën e Spanjës për shkak të një dëmtimi në dorë.

Skuadra njoftoi se dhimbjet e tij ishin pasojë e një ndërhyrjeje kirurgjikale të mëhershme, pas një aksidenti me biçikletë përpara sezonit 2023. Edhe pse mori pjesë në kualifikimet në Barcelonë, ai u tërhoq nga gara kryesore në momentet e fundit.

Të mërkurën, Aston Martin konfirmoi se Stroll është gati për të garuar në Montreal. “Jam shumë i lumtur që rikthehem përpara publikut tim në shtëpi”, tha ai, duke shtuar se ka bërë disa xhiro testuese për t’u përgatitur.