Komisioni Evropian ka miratuar pa kushte blerjen e MotoGP nga kompania amerikane Liberty Media, duke përmbyllur kështu kushtin e fundit për finalizimin e marrëveshjes. Transaksioni pritet të përfundojë deri më 3 korrik 2025.

Liberty Media, e njohur si pronare e Formula 1, do të zotërojë 84 për qind të aksioneve të Dorna Sports, ndërsa menaxhmenti aktual i MotoGP do të mbajë 16 për qind. Carmelo Ezpeleta do të vazhdojë të drejtojë MotoGP.

Ky zhvillim shënon një epokë të re për sportin, me synim rritjen globale të audiencës dhe fuqizimin komercial të MotoGP.