Presidenti amerikan, Donald Trump, ka propozuar një ide tejet të pazakontë dhe spektakolare.
Bëhet fjalë për organizimin e një ndeshjeje të madhe të UFC-së në zemër të Uashingtonit, pikërisht në oborrin përpara Shtëpisë së Bardhë.
Ngjarja do të shërbente si një ndër aktivitetet kryesore për të festuar 250-vjetorin e pavarësisë së Shteteve të Bashkuara të Amerikës, një jubile historik që pritet të shënohet me aktivitete të shumta në mbarë vendin.
Trump, i njohur për idetë e tij ekstravagante dhe lidhjet e ngushta me botën e sporteve, e ka quajtur këtë plan plotësisht të realizueshëm.
“Ka shumë tokë në atë zonë. Imagjinoni një ndeshje të UFC-së me 20,000 apo edhe 25,000 spektatorë aty, do të ishte diçka vërtet e jashtëzakonshme,” – ka thënë Trump, përcjell AutoPortali.
Sipas tij, jo vetëm që do të ishte një ngjarje argëtuese për publikun amerikan, por edhe një mënyrë për të vënë në pah frymën e lirisë, guximit dhe garës që përfaqëson kombi amerikan.
Trump shtoi gjithashtu se çdo park kombëtar, fushë beteje historike dhe vend i rëndësishëm simbolik në SHBA do të jetë pjesë e aktiviteteve përkujtimore të këtij jubileu.
Megjithëse ende nuk janë dhënë detaje konkrete për organizimin e ngjarjes, zëdhënësja e Shtëpisë së Bardhë, Karoline Leavitt, konfirmoi për mediat se Trump është “shumë serioz” në lidhje me këtë ide dhe se po zhvillohen diskutime paraprake për mundësinë e realizimit të saj.
Trump ka shfaqur vazhdimisht interes të madh për UFC-në dhe është parë shpeshherë në rreshtat e parë të ndeshjeve të organizatës.
Ai gjithashtu ka marrëdhënie miqësore me presidentin e UFC-së, Dana Ëhite, me të cilin është takuar së fundmi për të diskutuar mundësi bashkëpunimi në të ardhmen.
President Trump announced his plan in Iowa to have a UFC match at the White House during the kickoff for a year’s worth of festivities to celebrate America’s 250th birthday on July 4, 2026.
A White House spokesperson said they had no details to share beyond the president’s… pic.twitter.com/1VkESoYvDy
— ESPN (@espn) July 4, 2025
Nëse kjo ide merr dritën jeshile, Shtëpia e Bardhë mund të shndërrohet për një natë në një arenë të vërtetë sportive, ku do të takohen spektakli, historia dhe patriotizmi amerikan në një mënyrë krejt të pazakontë. /AutoPortali
