Tenisti amerikan Ben Shelton nuk e ka fshehur zhgënjimin e tij pas vendimit për ndërprerjen e ndeshjes së tij ndaj Rinky Hijikata-s, në kuadër të turneut prestigjioz të Wimbledon-it.
Shelton po kryesonte bindshëm me rezultat 2:0 në sete, kur gjyqtari vendosi të ndalojë takimin për shkak të orarit të vonë, duke respektuar traditën e këtij kompeticioni, që rrallëherë zhvillon ndeshje gjatë natës.
Vendimi shkaktoi një debat të tensionuar mes tenistit amerikan dhe gjyqtarit të ndeshjes, mirëpo ky i fundit ishte i vendosur dhe nuk tërhoqi vendimin e tij për ndërprerje, përcjell AutoPortali.
Ben Shelton reacts to his match against Rinky Hijikata being suspended at 9:29 PM local time.
The match will be resumed tomorrow after play is suspended due to darkness. pic.twitter.com/6X3mFleai0
— SportsCenter (@SportsCenter) July 3, 2025
Takimi pritet të rifillojë sot në orën 13:30, ku Shelton ka një avantazh të qartë dhe është pranë kalimit në fazën tjetër të turneut.
21-vjeçari amerikan shihet si një nga pretendentët kryesorë për trofeun e këtij viti në Wimbledon. Aktualisht, ai mban vendin e 10-të në renditjen botërore ATP. /AutoPortali
