Faza gjysmëfinale e Kupës së Botës për Klube nis sonte me përballjen mes Fluminense dhe Chelsea, dy skuadra që synojnë një vend në finalen e madhe të turneut të FIFA-s, e cila do të zhvillohet më 13 korrik.

Takimi do të luhet në MetLife Stadium, East Rutherford, New Jersey dhe pritet të ofrojë spektakël, me të dyja skuadrat që kanë kaluar pengesa të vështira për të mbërritur në këtë fazë, shkruan AutoPortali.

Fluminense, e drejtuar nga legjenda braziliane Thiago Silva, eliminoi Al Hilal në çerekfinale me rezultatin 2-1.

Golin e parë për brazilianët e realizoi Martinelli, ndërsa Hércules vulosi fitoren pas një barazimi të përkohshëm të Marcos Leonardo për sauditët.

Ndërkohë, Chelsea kaloi me sukses pengesën e Palmeiras, duke fituar gjithashtu 2-1.

Cole Palmer zhbllokoi rezultatin për londinezët, para se Estevão të barazonte për Palmeirasin. Një autogol i portierit Weverton i dha fitoren skuadrës së Mauricio Pochettino-s.

Formacionet e mundshme:

Fluminense (3-5-2):

Fabio; Ignacio, Thiago Silva, Thiago Santos; Samuel Xavier, Bernal, Hércules, Nonato, Fuentes; Arias, Cano

Chelsea (4-2-3-1):

Sánchez; Malo Gusto, Chalobah, Adarabioyo, Cucurella; Enzo Fernández, Reece James; Palmer, Nkunku, Pedro Neto; João Pedro