Manchester United ka nisur zyrtarisht negociatat për të transferuar portierin argjentinas të Aston Villës, Emiliano ‘Dibu’ Martínez.

Sipas mediave angleze, kjo lëvizje është një kërkesë direkte nga trajneri i ri Rubén Amorim, i cili kërkon një ndryshim të rëndësishëm në portë pas një sezoni të pasigurt nga André Onana, transmeton AutoPortali.

Amorim beson se Dibu ka përvojën dhe lidershipin e nevojshëm për të udhëhequr ekipin në projektin e ri që synon rikthimin në majat e Premier League dhe Evropës.

Aston Villa, ndërkohë, është e hapur për shitjen e tij, por kërkon një ofertë që reflekton nivelin e lartë të Martínez, i cilësuar si një nga portierët më të mirë në botë.

Fitues i Kupës së Botës 2022 dhe dy herë kampion i Copa América, Martínez ka qenë kyç edhe për suksesin e Aston Villës në Ligën e Kampionëve, ku sezoni i kaluar përfundoi me arritjen në çerekfinale.

Ky transferim shihet si një nga më të rëndësishmit e merkatos së verës, dhe nëse palët bien dakord, Dibu Martínez pritet të jetë gardiani i ri i portës së “Djajve të Kuq”. /AutoPortali