Njoftohen garuesit që do të marrin pjesë në Drag Race se, me qëllim që gara të ketë rrjedhë sa më të mirë, organizatori kërkon disiplinë e rregull jo vetëm nga garuesit, por edhe nga stafet e tyre përcjellëse.

Prandaj, ata duhet t’u përmbahen me përpikëri rregullave dhe udhëzimeve të organizatorit.

Ndër të tjera, në rregullore thuhet që:  ndalohet rreptësisht hyrja e stafit të garuesit në zonën midis vijës së para startit dhe vijës së finishit, për çfarëdo qëllimi (si asistencë teknike, festim i fitores e tjera), pa lejen e zyrtarëve të garës.

Shkelja e kësaj dispozite mund të çojë në skualifikimin e garuesit nga gara ose edhe nga garat e ardhshme.

Për të shmangur çdo tollovi para startit, garuesit sipas klasave përkatëse, do të njoftohen nga organizatori i garës për paraqitje në start përmes vendosjes së një njoftimi në xhamin e veturës.

Ky njoftim shërben si ftesë zyrtare për paraqitje në start. Brenda 10 minutave pas  vendosjes së njoftimit, garuesi duhet të jetë i gatshëm të lëvizë drejt vijës së startit.

Mosrespektimi i këtij rregulli rezulton me diskualifikim të garuesit.