FIA sugjeron rikthimin e motorëve V8 në F1, por jo para vitit 2030.

Presidenti i FIA-s, Mohammed Ben Sulayem, ka propozuar rikthimin e motorëve V8 në Formula 1, por kjo nuk mund të ndodhë para vitit 2030. Edhe pse motorët e rinj hibridë për vitin 2026 nuk kanë debutuar ende, Ben Sulayem beson se në fund të dekadës skuadrat mund të pranojnë përdorimin e motorëve më të thjeshtë e më të lehtë.

Rregullorja teknike për 2026 është e vlefshme deri në vitin 2030 dhe çdo ndryshim përpara kësaj periudhe kërkon unanimitetin e skuadrave. Për më tepër, zhvillimi i motorëve të rinj ka kërkuar investime të mëdha dhe nuk është e mundur që prodhuesit të zhvillojnë njëkohësisht dy projekte motorësh.

Ky diskutim vjen në një kohë kur edhe industria e automobilëve po e ngadalëson tranzicionin drejt elektrifikimit, duke rihapur debatin për motorët me djegie të brendshme. Megjithatë, çdo rikthim te V8-at mbetet i mundur vetëm pas vitit 2029.