Charles Leclerc ka një statistikë të habitshme në Formula 1: vetëm 5 fitore nga 27 pole positions, një raport shumë më i ulët se mesatarja historike. Në historinë e F1, mbi 43 për qind e garave janë fituar nga pole. Që nga debutimi i Leclerc në 2018, kjo shifër është rritur në 50.3 për qind, por jo për të, përkundrazi, ai është kthyer në përjashtim nga rregulli.

A është më i mirë në kualifikime sesa në gara, apo thjesht nuk ka pasur fat? Ja disa shembuj:

Kur nuk i funksionoi:

2019 Bahrain GP – Dominonte, por humbi vendin e parë për shkak të problemeve në motor.
2019 Austria – Parakalohet nga Verstappen në fund.
2019 Singapore & Russia – Humb fitore për shkak të strategjisë ose ndihmës së rivalëve nga makina tjetër Ferrari.
2021 Monaco – Nuk starton fare, pas dëmtimit në kualifikime.
2022 France – Gabon vetë dhe del nga pista duke udhëhequr.
2022 Monaco & Azerbaijan – Strategji të dobëta nga Ferrari, ose probleme teknike.
2023 USA GP – Skualifikohet për shkelje teknike pas një gare të dobët.

Kur fitoi:

2019 Belgjikë & Itali – Fitore emocionuese për Ferrarin.
2022 Bahrein & Australi – Dominoi garat.
2024 Monaco – Më në fund fiton në shtëpi, pa gabime.

Pra, pse s’ka fituar më shumë?
Nga 27 pole:
5 fitore
4 herë – probleme teknike
5 herë – strategji ose fat i keq me safety car
2 herë – gabime të pilotit
11 herë – humbje të pastra nga rivalë më të fortë

Përfundim:

Leclerc nuk është pilot i dobët në gara, përkundrazi, ai ka treguar shpejtësi dhe aftësi të jashtëzakonshme – por një kombinim i fatit të keq, vendimeve të dobëta strategjike dhe konkurrence të fortë i kanë penguar ta shndërrojë potencialin në fitore të shumta. Statistika e tij unike mbetet një nga paradokset më interesante në F1 moderne.