Një zhvillim i papritur ka tronditur botën e futbollit afrikan, pasi Konfederata Afrikane e Futbollit (CAF) ka marrë një vendim befasues në lidhje me finalen e Kupës së Kombeve të Afrikës.

Sipas vendimit zyrtar, Maroku është shpallur fitues i turneut me rezultat zyrtar 3-0, pas anulimit të fitores fillestare të Senegalit.

Ky vendim vjen në vijim të një incidenti të ndodhur në minutat e fundit të ndeshjes, kur arbitri akordoi një penallti në favor të Marokut.

Në shenjë kundërshtimi ndaj këtij vendimi, skuadra e Senegalit raportohet se ka braktisur fushën e lojës për më shumë se 10 minuta.

Sipas rregulloreve disiplinore në fuqi, një veprim i tillë konsiderohet shkelje serioze dhe ndëshkohet me masa të rënda.

Pas shqyrtimit të plotë të rastit, CAF vendosi që ndeshja të regjistrohet si humbje në tavolinë për Senegalin me rezultat 0-3, duke i dhënë në këtë mënyrë titullin Marokut.

Vendimi ka shkaktuar reagime të shumta në opinionin sportiv dhe pritet të mbetet një nga çështjet më të diskutuara në futbollin afrikan gjatë ditëve në vijim./AutoPortali