Volkswagen Bora, modeli legjendar i bazuar në Golf 4, u largua nga tregu evropian në vitin 2005. Por në Kazakistan ky emër është rikthyer me një sedan krejtësisht të ri, të prodhuar në Kinë.

Modeli në fakt është Volkswagen Sagitar L, i cili ka gjatësi prej 4,81 metrash dhe ofron hapësirë të madhe për familje.

Motor 1.5 turbo dhe 160 kuaj fuqi

Bora e re vjen me motor 1.5 litërsh turbo-benzinë, me 160 kuaj fuqi dhe 250 Nm çift rrotullues, të kombinuar me ndërruesin automatik DSG me shtatë shpejtësi.

Në pajisje përfshihen:
Instrumentet digjitale 10,25 inç.
Ekrani multimedial 12,9 inç.
Ndriçimi LED.

Çmimi në Kazakistan është rreth 25.500 euro.

Edhe Passat-i i ri shitet në version sedan

Përveç Bora-s, Volkswagen ofron edhe Passat-in e ri, i cili bazohet në modelin kinez Magotan.

Ai ka motor 2.0 TSI me 220 kuaj fuqi dhe 350 Nm çift rrotullues, ekran qendror 15 inç dhe, në versionet më të pajisura, ulëse me masazh dhe fenerë Matrix LED.

Çmimi fillestar është rreth 38.000 euro.

Të dy modelet prodhohen në Kinë dhe dëshmojnë se sedanët klasikë vazhdojnë të kenë kërkesë të madhe në tregjet aziatike, ndryshe nga Evropa, ku Volkswagen është përqendruar gjithnjë e më shumë te SUV-të dhe karavanët.