Bayer Leverkusen ka nisur kërkimin për një zëvendësues të mundshëm të Florian Wirtz, i cili pritet të transferohet drejt Liverpoolit në një marrëveshje që mund të bëhet blerja më e shtrenjtë në historinë e klubit anglez.

Sipas gazetarit Florian Plettenberg, Leverkuseni ka shfaqur interes për talentin e ri të Comos, Nico Paz, i cili gjithashtu është pëlqyer nga trajneri i ri i Manchester United, Erik ten Hag, përcjell AutoPortali.

Nico Paz ka zhvilluar një sezon mjaft të mirë me klubin italian, duke regjistruar 35 paraqitje, 6 gola dhe 9 asistime.

Real Madrid, që zotëron të drejtat e tij, mund ta rikthejë lojtarin për vetëm 8 milionë euro, duke aktivizuar klauzolën e riblerjes — megjithatë, Como po bën përpjekje ta mbajë në skuadër.

E ardhmja e Paz do të varet nga lëvizjet në merkato, ndërsa Leverkusen e sheh atë si një pasardhës potencial të Wirtz në mesin e fushës.