Federata Ndërkombëtare e Automobilizmit (FIA) ka lejuar skuadrat Rally1 të bëjnë ndryshime në rezervuarët e karburantit për të shmangur problemet teknike që prekën disa makina gjatë Rally Acropolis në Greqi.

Gjatë garës, makinat e Toyota dhe M-Sport-Ford, të drejtuara nga Sami Pajari, Martins Sesks dhe Gregoire Munster u tërhoqën për shkak të dështimeve në sistemin e karburantit, të cilat mendohet se u shkaktuan nga temperaturat ekstreme.

Përkundër shqetësimeve, FIA konfirmoi se furnizuesi aktual i karburantit, TotalEnergies, do të vazhdojë bashkëpunimin deri në fund të sezonit. Ndryshimet në rezervuarë do të lejohen pa nevojën për homologim shtesë, duke filluar që nga Rally Estonia këtë javë.

FIA theksoi se po punon ngushtë me prodhuesit për të garantuar sigurinë dhe funksionimin e duhur të makinave në kushte ekstreme.