Kampionati Botëror ABB FIA Formula E rikthehet këtë fundjavë (21 qershor) në Xhakartë, pas një mungese dyvjeçare. Gara do të zhvillohet në Circuitin Ndërkombëtar të Xhakartës, një pistë 2.37 km e gjatë me 18 kthesa, e vendosur në zonën bregdetare të kryeqytetit indonezian.

Kjo është hera e tretë që Indonezia pret një garë të Formula E, pas organizimeve të suksesshme në 2022 dhe 2023. Organizatorët premtojnë një event edhe më të madh këtë vit, me përgatitje intensive nga FIA dhe autoritetet lokale.

Në qendër të vëmendjes pritet të jetë Oliver Rowland nga ekipi Nissan, lider aktual i kampionatit, i cili kërkon të forcojë pozitën për titull, pavarësisht se nuk ka pasur sukses në Xhakartë në të kaluarën. Ndërkohë, rivalët e tij të drejtpërdrejtë, Pascal Wehrlein dhe Antonio Felix da Costa të ekipit Porsche, shpresojnë ta ndalin britanikun dhe të ringjallin garën për titull.

Gara mbahet të shtunën, më 21 qershor dhe nis në orën 15:05 me orën lokale.