Një shofer në Gjermani bëri një gabim të kushtueshëm, duke hedhur gabimisht AdBlue në rezervuarin e naftës të BMW 320d Touring me motor 2.0 B47.

Pasi vazhdoi vozitjen, lëngu shkaktoi kristalizim dhe krijoi depozita të forta në pjesët e brendshme të motorit, duke dëmtuar rëndë sistemin e tij.

Dëmet ishin aq të mëdha sa mekanikët u detyruan të zëvendësonin të gjithë motorin, turbinën dhe disa komponentë të tjerë, si dhe të pastronin sistemin e karburantit.

Çfarë duhet të bëni nëse hidhni AdBlue në naftë?

Mos e ndizni motorin dhe mos e ktheni çelësin në kontakt.

Mos provoni ta vozitni veturën.

Thirrni shërbimin e tërheqjes dhe dërgojeni në servis për zbrazjen dhe pastrimin e rezervuarit.

Ky veprim mund t’ju shpëtojë nga një riparim që kushton mijëra euro!