Alen Sherri ka fituar vendin e titullarit te Cagliari. Pas disa gabimeve të Sccufet, portieri shqiptar arriti që të ulë në stol gardianin e Cagliarit dhe mori më shumë besim nga çfarë ishte menduar më herët.

Megjithatë, përshtatja në Serie A kërkon kohë dhe në Itali nuk duket se kanë shumë kohë për të pritur.

Gazetari italian Vittorio Sanna e ka tejkaluar kritikën e tij për Alen Sherrin duke shkuar në ofendim për shkak të performancës së shqiptarit në humbjen 2-1 ndaj Venecias.

“Për mua është evidente mungesa e reagimit të portierit. Mundohem ende të gjej arsye se, përse Alen Sherri mund të quhet një portier i përshtatshëm për Serie A. Nuk ka reflekse, nuk shfaq reagime të menjëhershme, nuk ka asnjë veprim të vetëm që tregon gatishmëri”, ka thënë Sanna.

“Në golin e parë përshembull, topi i kaloi aty afër dhe nuk kishte tentativën më të vogël për t’u hedhur. Nuk shoh shpejtësinë dhe stilin që i kërkohet një portieri më të mirë. Nuk mund të luajmë me një ‘mobilje’ në portë. Nuk e kam fjalën për një moblije që lëviz, por për një garderobë apo komodinë që qëndron aty, pa lëvizur kurrë. Mungesë cilësie që po na kushton”, ka shtuar gazetari italian.