Max Verstappen ka komentuar me ironi kritikat e George Russell pas përplasjes në Çmimin e Madh të Spanjës, duke thënë: “Në rregull, do të marr shami për herën tjetër”.

Piloti i Red Bull u përfshi në një incident me Russell gjatë garës, ku përfundoi duke dalë jashtë piste. Verstappen përfundoi i pesti në finish, por pas një penalizimi prej 10 sekondash, zyrtarisht u rendit i dhjeti.

“Kemi qenë shumë të ngadaltë për të luftuar për titullin, kjo u pa qartë edhe sot”, tha kampioni në fuqi. Ai shtoi se strategjia me tri ndalesa dhe zgjedhja e gomave të forta në fund nuk funksionoi siç pritej.