Frenkie de Jong do të largohet nga Barcelona më së largu në verë, por ekziston mundësia që ai të lëvizë edhe në janar.

Mesfushori holandez thuhet se ka vendosur të largohet nga gjiganti katalonas, pasi nuk e sheh veten të rëndësishëm dhe pjesë e formacionit bazë.

Sipas Mundo Deportivo , mesfushori holandez po kërkon largim nga klubi.

Interesim për nënshkrimin e De Jong kanë shprehur gjigantë evropianë, si: Manchester United, Chelsea, Bayern Munich dhe Paris Saint-Germain.

Barcelona thuhet se është e hapur për ta lënë atë të largohet.

E ardhmja e De Jong te Barcelona ka qenë e pasigurt për një kohë. Ai është nën kontratë deri në vitin 2026, dhe klubi fillimisht kishte planifikuar të zgjaste kontratën e tij.

Megjithatë, situata tani ka ndryshuar.

Barcelona raportohet se po konsideron shitjen e De Jong, me një lëvizje që ka të ngjarë të ndodhë në verën e vitit 2025.