Vijon momenti i mirë në NBA për Lakers, që së fundi mposhti New Orleans me rezultat 136-115, duke shënuar fitoren e shtatë radhazi.
LeBron James me 34 pikë e Luka Doncic me 30 pikë e 15 asistime shkëlqyen për kalifornianët.
Fitore në sekondat e fundit për Toronton, që mundi Orlandon me shifrat 114-113, ndeshje ku u dallua RJ Barrett me 21 pikë, ndërsa 41 pikët e Paolo Banchero mbetën për statistikë.
Phoenix falë 34 pikëve të Kevin Durant mposhti Clippers, 119-117.
Edhe Golden State po ngjit shkallët në renditje, duke mposhtur New York me rezultat 114-102. Stephen Curry me 28 pikë ishte lider për Warriors.
Në udhëtim fitoi edhe Milwaukee, që mundi Atlanta 127-121. Antetokounmpo realizoi “triple double”, me 26 pikë 12 kërcime e 10 asistime.
Cleveland bëhet skuadra e parë që siguron një vend në play off, duke mundur Chicagon 139-117. Donovan Mitchell me 28 pikë e Jarrett Allen me 25 pikë ishin liderë në fushë.
Rezultatet:
Indiana – Houston 115-102
Orlando – Toronto 113-114
Atlanta – Milwaukee 121-127
New York – Golden State 102-114
Chicago – Cleveland 117-139
Minnesota – Philadelphia 126-112
San Antonio – Brooklyn 127-113
Phoenix – Clippers 119-117
Lakers – New Orleans 136-115
