Sonte (e mërkurë) zhvillohen dy ndeshjet kthyese çerekfinale të Ligës së Kampionëve, ku katër skuadra kërkojnë dy vende në fazën gjysmëfinale.

Gjatë mbrëmjes së martë, Barcelona dhe Paris Saint-Germain konfirmuan vendin e tyre në gjysmëfinale, duke eliminuar Borussia Dortmundin, respektivisht Aston Villan.

Ndërsa. sonte do të mësohen edhe emrat e dy ekipeve tjera që sigurojnë kualifikimin në gjysmëfinale.

Dy ndeshjet që priten të jenë të zjarrta, nisin nga ora 21:00.

Real Madrid dhe Arsenal takohen në ‘Santiago Bernabeu, ku “Los Blancos” do të synojnë ta shkrijnë disavantazhin prej 3-0 nga ndeshja e parë.

Në ndeshjen tjetër, Interi është nikoqir i Bayern Munichut në ‘Giuseppe Meazza’, me Nerazzurrët që do të synojnë ta ruajnë epërsinë prej 2-1 nga ndeshja e parë dhe të sigurojnë një vend në gjysmëfinale.