Skuadra McLaren ka njoftuar se do të rishikojë dënimin prej 10 sekondash që mori piloti i tyre, Oscar Piastri, në garën e Formula 1 në Silverstone, duke e konsideruar atë shumë të ashpër.

Piastri u ndëshkua pasi frenoi papritur kur makina e sigurisë po tërhiqej nga pista, duke krijuar situatë të vështirë për Max Verstappenin. Ai përfundoi garën në vendin e dytë pas shokut të skuadrës, Lando Norris.

Drejtori i McLaren, Andrea Stella, tha se incidenti duhet shqyrtuar sërish, pasi makina e sigurisë u aktivizua vonë dhe kushtet për rifillimin e garës ishin të vështira për pilotët.

Piastri udhëheq kampionatin me 234 pikë, para Norrisit (226) dhe Verstappenit me 165 pikë.

Formula 1 do të ketë pushim deri më 27 korrik, kur do të zhvillohet gara në Belgjikë.