Vedat Muriqi mund të rikthehet në futbollin turk, ku kishte bërë emër me Rizespor dhe Fenerbahçen.

Pas eksperiencës së mirë në Mallorca, ku luajti tri vite e gjysmë, tani duket se është gati të largohet nga Spanja, transmeton AutoPortali.

Sipas mediave turke, Besiktasi, rivali i Fenerbahçes, ka shfaqur interes për sulmuesin kosovar dhe bisedimet kanë nisur.

Besiktasi kërkon përforcime në fazën ofanzive për sezonin e ardhshëm dhe Muriqi është në listën e tyre.

Muriqi ishte transferuar më parë në Lazio për 21 milionë euro, por dëshiron të rikthehet në Turqi, ku familja e tij ndihet mirë.

Me Mallorcën ka zhvilluar 118 ndeshje, ka shënuar 35 gola dhe ka bërë 11 asistime.

Besiktasi planifikon të bëjë një ofertë rreth 5 milionë euro për kartonin e lojtarit 31-vjeçar.