Piloti i McLaren-it, Lando Norris, ka kërkuar ndjesë pasi u përplas me shokun e skuadrës, Oscar Piastri, në Çmimin e Madh të Kanadasë. Përplasja e detyroi Norrisin të tërhiqej nga gara, ndërsa Piastri përfundoi i katërti.
“Nuk duhej të provoja parakalimin nga jashtë. Ishte rrezik i panevojshëm, sidomos ndaj shokut të skuadrës. E pagova çmimin për gabimin tim,” tha Norris.
Pas incidentit, ai mori përgjegjësinë dhe theksoi se e ndjeu veten si “budalla” për dëmin e shkaktuar ekipit. McLaren ka lejuar garë të lirë mes pilotëve, por kontakti mes tyre është i ndaluar.
Full footage of the battle between Lando Norris and Oscar Piastri that ended in a crash!#F1 #Formula1 #CanadianGPpic.twitter.com/VI37PJQjg4
— Extreme Cars (@extremecars__) June 15, 2025
Piastri udhëheq në renditjen e pilotëve me 198 pikë, ndjekur nga Norris me 176 dhe Verstappen me 155. Kampionati vazhdon me garën në Austri pas dy javësh.
