Oklahoma e ka nisur me fitore fazën play off në NBA, duke mundur Memphisin me rezultat 131-80. Ndeshje pa shumë histori, ku të gjithë titullarët e ekipit vendës realizuan mbi 12 pikë.

Në Perëndim fitoi e Golden State, që mposhti si mysafire Houstonin 95-85.

Stephen Curry edhe një herë ishte magjik, duke realizuar 31 pikë, mbështetur edhe nga Butler me 25 pikë.

Në Konferencën e Lindjes, Cleveland mundi 121-100 Miamin, sfidë ku u dallua treshja Mitchell-Jerome-Garland, që së bashku realizuan 85 pikë.

Nuk zhgënjeu Boston, që falë 30 pikëve të Derrick White, mundi Orlandon 103-86, duke fituar çerekfinalen e parë play off.

Konferenca e Lindjes-Çerekfinale
(1) Cleveland – (10) Miami 121-100 (1-0)
(2) Boston – (7) Orlando 103-86 (1-0)
(3) New York – (6) Detroit (1-0)
(4) Indiana – (5) Milwaukee (1-0)

Konferenca e Perëndimit-Çerekfinale
(1) Oklahoma – (8) Memphis 131-80 (1-0)
(2) Houston – (7) Golden State 85-95 (0-1)
(3) Lakers – (6) Minnesota (0-1)
(4) Denver – (5) Clippers (1-0)