Basketbollistët e Kosovës po i vazhdojnë përgatitjet intensive për dy ndeshjet e muajit shkurt.

Dardanët më 20 shkurt do të ndeshen me Azerbajxhanin, derisa më 23 shkurt përballen me Zvicrën.

Përfaqësuesja jonë është duke u stërvitur intensivisht për këto dy sfida tejet të rëndësishme.

Sipas Federatës së Basketbollit të Kosovës, tashmë skuadrës i është bashkuar edhe basketbollisti Drilon Hajrizi.

“Drilon Hajrizi i është bashkuar skuadrës të hënën në mbrëmje. Atmosfera në kampin dardan është shumë e mirë dhe pozitive para dy ndeshjeve vendimtare”, thuhet në njoftimin e FBK-së.

Të dy ndeshjet fillojnë në orën 19:30 dhe zhvillohen në Pallatin e Rinisë dhe Sportit në Prishtinë.